SHARE THIS NEWS please, THANK YOU
............................

சிரஞ்சீவிக்கு ஜோடியாகும் ஐஸ்வர்யா ராய்

தெலுங்கு திரையுலகில் முதன்முறையாக கால்பதிக்கும் ஐஸ்வர்யா ராய், சிரஞ்சீவிக்கு ஜோடியாக நடிக்க உள்ளதாக கூறப்படுகிறது.

ஐஸ்வர்யா ராய்
ஐஸ்வர்யா ராய்
உலக அழகி பட்டம் வென்ற ஐஸ்வர்யா ராய் மணிரத்னம் இயக்கத்தில் வெளியான இருவர் படத்தின் மூலம் திரையுலகில் அறிமுகமானார். தொடர்ந்து ஜீன்ஸ், கண்டுகொண்டேன் கண்டுகொண்டேன், ராவணன், எந்திரன் ஆகிய தமிழ் படங்களில் நடித்தார். தற்போது மீண்டும் அவர் தமிழில் பொன்னியின் செல்வனைத் தழுவி மணிரத்னம் இயக்கவுள்ள படத்தில் நடிக்க உள்ளதாக கூறியுள்ளார்.

MT4 Platforms

இந்த படத்தை தொடர்ந்து அவர் தெலுங்கில் சிரஞ்சீவிக்கு ஜோடியாக புதிய படத்தில் நடிக்க உள்ளார். தமிழில் 5 படங்களில் நடித்துள்ள ஐஸ்வர்யா ராய் தெலுங்கில் ஒரு படத்தில் கூட கதாநாயகியாக நடிக்கவில்லை. ராவோயி சண்டமாமா என்ற படத்தில் ஒரு பாடலுக்கு நடனமாடி உள்ளார்.

சிரஞ்ஜீவி

தற்போது அவர் தெலுங்கில் முதன்முறையாக சிரஞ்சீவிக்கு ஜோடியாக நடிக்கவுள்ளார். இந்த படத்தை கொரட்டல சிவா இயக்க உள்ளார். சிரஞ்சீவி நடிப்பில் பிரம்மாண்ட பட்ஜெட்டில் இந்தியத் திரையுலக நட்சத்திரங்கள் பலர் இணைந்து நடித்துள்ள சைரா நரசிம்மா ரெட்டி படத்தின் பணிகள் இறுதிகட்டத்தை எட்டியுள்ளன.

இந்தப் படம் நிறைவடைந்ததும் ஐஸ்வர்யா ராய் நடிக்கும் படத்தின் பணிகள் தொடங்கும் என எதிர்பார்க்கப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகலாம்.